Dowlada Danmark oo Shaaca ka Qaaday Waqtiga ay Celineeyso Qaxooti Soomaaliyeed. “Warbixin”

February 23, 2013 - Waxaa Qorey : Webmaster -

BALCAD MEDIA:  Hey’addaha u Dooda Xaquuqul Insaanka Sida Human Tigts Watch iyo kuwo kale ayaa ka qeyliyay Warka ka soo yeeray Dowlada Danmar ee ah in Qaxooti Soomaaliyeed ay dib ugu Celineeyso Wadanka Somalia Bishaan inta aysan Dhamaan.

Qaxootiga Soomaaliyeed ee la sheegay in dib loo celinaayo ayaa Horey loo diidey codsiyadooda magangalyo doonka ah, kuwoodii ugu horeeyeyna waxaa lagu wadaa in todobaadka inagu soo socda dib loogu celiyo dalka Somalia gaar ahaan magaalada Muqdisho.

Sida ay ku doodayaan Hey’addahaan u dooda Xaquuqul Insaanka in weli ay halis xagga amaanka ah ay ka jirto koonfurta iyo bartamaha dalka Somalia, taasi oo aanan saamaxaynin in dadkani cabsi la’aan ku noolaadaan.

Isku soo wada duub Qaxootiga Soomaaliyeed ee la sheegay in dib loogu celinaayo Dalkooda ayaa haatan ku nool Goobo Teendho ah oo aan qaboowga ka celin karin wax ay heystaana ma jirto waxaana la ogeyn sida ay ku suura galeeyso in Dib loo celiyo balse Dowlada Danmark ayaa sheegtay in todobaadkaan dib loo celinaayo Qaxootiga Soomaaliyeed.

M M YUSUF
DANMARK:

Inta Jeer ee la Aqrisatay : 356