Dowlada Soomaliya oo maamulo u magacaawday deegaano ka tirsa Galgaduud

March 6, 2013 - Waxaa Qorey : admin -

BALCAD MEDIA: Xukuumada Soomaliya ayaa gudoomiyaal u magacaawday degmooyin iyo deegaano ka tirsan gobolka Galgaduud ee bartamaha Soomaliya.

Wareegto ka soo baxday xafiiska Cabdikariin Xuseen Guuleed wasiirka arimha gudah ee xukuumda Soomaliya ayaa guddoomiyaha degmada Dhuusamarreeb waxaa loo magacaabay Macalin Cabdiraxmaan Cali Maxamed Geedo-Qorow, guddoomiyaha degmada Balanballe waxaa loo magacaabay Hareeri Xasan Barre.

Sidoo kale Axmed Jaamac Dhirif,  waxaa loo magacaabay guddoomiyaha degmada Caabudwaaq, waxaan sidoo kale guddoomiyaha Guriceel loo magacaabay gudooyihii hore ee ka arimin jiray Mune Cismaan Ciise Nuur Taar-dhuleed.

Waxaa sidoo kale deegaanka Dhabbad  guddoomiye looga dhigay Mudane Aadan Gebi , deegaanka Xeraale oo isna ka mid ah deegaanada gobolka Galgaduud ayaa guddoomiye looga dhigay Bashiir Daahir Yuusuf.

Inta Jeer ee la Aqrisatay : 324