Advertisements

Qaramada Midoobay oo Walac ka muujisay Xaalada Dalka Somalia.

02/02 02:110 commentsViews:

Warbixin ay soo saartay Jimcaha maanta ah hey’adda QM u qaabilsan cuntada iyo beeraha FAO, ayaa lagu sheegay in uu jiro walaac ku aadan nafaqo darro ka dhalata Soomaaliya.

Laakin sidaas oo ay tahay FAO waxa ay lee dahay aad ayey u yaraadeen tirade dadka Soomaalida ee u baahan gargaar ama kaalmo bini’aadminimo tan iyo bishii August ee 2012kii.

Si kastaba, warbixintan oo uu soo diyaariyay xaafiiska caalamiga ah ee digniinta Abaarah ayaa lagu sheegay in ku dhawaad 250,000 oo carruur ah da’doodu ka yartahay shan sano ayaa waxa saamyeeyay nafaqa la’aanta dalka Soomaaliya.

Warbixinta FAO ayaa lagu sheegay ugu yaraan shan iyo afartan kun oo carruurtaasi ka mida ayaa halis ugu jira heerka ugu sareeya ee nafaqa la’aanta.

Sida kale waxaa lagu sheegay warbixinta in carruurtaas intooda badan ay ku noolyihiin gobolada ay colaaduhu ka jiraan ee koonfurta dalka Soomaaliya.

FAO ayaa xaaladan ku tilmaamtay mid ka mid ah xaaladaha ugu xun caalamka ee la arko qarnigan.

Hey’adda ayaa u sababeesay dhibaatada in ay kaalin ka qaattay jiritaan la’aanta adeegyada asaasiga, sida caafimaadka, iyo biyo nadiiif ah oo la cabbo.

Ugu dambeen warbixinta FAO ayaa lagu xusay in gargaarka caalamiga ah iyo roobabkii ka da’ay Soomaalida ka caawiyeen in ay hoos u dhacdo xaaladdii cunno yaraanta.

Sannadkii 2011-ka ayaa abaar xun oo ku dhufatay gobalada koonfurta iyo bartamaha Soomaaliya waxa ay cagta mariyeen dad iyo duunyo badan.

Inta Jeer ee la Aqrisatay : 3254
Balcad Media Network
Email : balcad@live.com

Leave a Reply