Mid ka mid ah askarta dowladda KMG oo saarnaa markab ganacsato Soomaali ah u rarnaa oo ay sheegeen in laga waayay dekadda Magaalada Muqdisho ayaa meydkisa laga helay xeebaha Muqdisho, iyadoo sidoo kalena la helay mid ka mid ah askarta kaasoo xaladiisu ay liidato.
Sida uu Saxaafadda u sheegay mid ka mid ah shalaalaha dekadda weyn ee Magaalada Muqdisho meydka askarigani iyo midka kale ayaa la helay kaddib markii la waayay Markab u rarnaa ganacsato Soomaaliyeed oo ku xirnaa dekadda weyn ee Magaalada Muqdisho oo saarnaayeen askartaan meydkooda laga helay meel u dhow xeebta Jaziira ee duleedka Magaalada Muqdisho.
Askariga dhintay iyo kan haatan xaldiisa laga deyrinayo ayaa waxaa la sheegay in kooxihii markabka la saarnaa ay gudaha badda ku tuureen habeenkii Axad ahayd ee la soo dhafay iyadoo aan la ogeyn ilaa iyo haatan halka ay jiho ahaan ula dhaqaqeen markabka.
Markabka ay saarnayeen askarta Maanta meydkooda iyo dhaawacooda laga helay xeebta Jaziira ayaa waxaa habeeno ka hor kooxo askar ah oo loogu tala galay in ay ilaalo ka qabtaan markabka ka kaxeeysteen dekadda weyn ee Magaalada Muqdisho.
Mahad Hilaal oo ah Wakiilka Markabkani oo warbaahinta la hadlayey waxaa uu sheegay in markabka ay wayeen xilli ay dul saarnaayeen Askar ka tirsan ilaalada dekadda weyn ee Magaalada Muqdisho iyo sarkaal ka mid ah ahaa shaqlaaha markabkaasi.
Ilaa iyo hadda lama oga xaaladda rasmi ahaa uu ku suganyahay Markabka iyo sarkaalka shaqaalaha ka ahaa ee saarnaa, iyadoo meydka askarta ka tirsaneyd kuwii ilaalada ka hayay Markabkaasina uu cadeyn u noqon karo in marabka qafaalasho loo geystay.
Back
to home
Bottom
of the Page
Top
of the Page
Iimaanka iyo Qeybihiisa 