Heshiis nabadeed ayaa laga gaaray beelo dhawaan ku dagaalamay deegaano ka tirsan degmada Jamaame ee gobolka J/hoose.
Heshiiskaan laga gaaray dagaaladii dhawaan ka dhacay deegaan ka tirsan degmada Jamaame ee gobolka J/hoose ayaa ka dambeeyay kadib markii maalmahaan halkaasi ay ka soconayeen kulamo nabadeed oo ay garwadeen ka ahaayeen Odayaal dhaqameed iyo waxgrad reer Jamaame ah.
Labada dhinac ee la heshiisiinayo ayaa ah maamulka islaamiga ee degmada Jamaame iyo waliba kooxo maleeshiyooyin ah oo maamulka ciidamadiisa la dagaalamay dhawaan.
Waxyaabaha ay ku heshiiyeen labada dhinac ayaa waxaa ka mid ah in si nabad galyo ah deegaanka lagu wada noolaado oo cidana aysan abuurin rabshado iyo dhibaatooyin kale oo amaanka ka soo horjeeda iyo in sidoo kale maleeshiyooyinka uu maamulku cafis u fidiyo oo si nabad galyo ah ay u soo galaan magaalada islamarkaana ay damaanad qaadaan haddii maleeshiyadu ay dhib la yimaadaan odayaasha iyo waxgaradka beesha ay ka soo jeedaan.
Cumar Max'uud oo ku sugan degmada Jamaame ayaa Saxaafadda u sheegay in dhinacyadaasi ay si fiican isku fahmeen islamarkaana la isku afgartay in nabadda laga wada shaqeeyo.
Odayaasha dhaqanka iyo waxgaradka ku howlanaa dadaalada nabadeenta ayaa iyagu ku farxay heshiiskaasi, iyadoo sidoo kale dadka deegaanka Jamaame ay si weyn u soo dhaweeyeen nabadda laga gaaray dagaaladii ka dhacay deegaanka Buulow Bacaad oo dadi ay ku dhinteen kuwa kalena ay ku dhaawameen.
Back
to home
Bottom
of the Page
Top
of the Page
Iimaanka iyo Qeybihiisa 